ANGKÉNG ARRABO:LO LÍGANG 

                                             Monuj Doley

Réyab réyappé sarné

Ésarbí sarbom bitag,

Língír língírpé punné

Singgi appunbí punbombitag

Lígang longédok

Oinok asin do:yingko.

Oino lí:né gené pé:re - ri:bi gége:la

Toya:la dung asinang olígla

Ka:la dung ka:mi ka:mi:la

Édílo gípíyen émna

Sarné ésarbí lubidung ngom

Oino toyala dung mé:dír mé:sola.

Kapila édémpé dagjun jurunla dagladu:n?

Asinang oyemílo, ka:beg mayemíloi

Ajonké lédulo gímínlíman!

Lomna gísangkang murong ukum talé:pé

Élé ajon arumé purang akuném kunabdung

Po:ro nogin apongém tonabdung

Mé:bo donyingém kíngabdung.

Mé:dírdag asiné oiyya

Lígang longéso nok kérapé dungge:la

Lígang ga:la:ma:namsém!

Mo:tépé dung, gípílangkumang

Émdagom ngo silo lígang longéso

Líga:sém gangkíye

Angkéng ara:so, oi nok asin ara:do.