Mé:ngkinsu:ma:né

                                     K.K Pogag

                                              Majuli

Mo:pí:so nok mé:gel gída:gdokkébong ngom

Mé:ngkins:ma:né tanié émna appíngé ludag.

Ngo gígola du:do

Amiké apong kola: du:tíng du:tílo,

Tanié apong tí:la du:mílo ngosin ko:gola tí:míndag

Édémí:pila:yam ngom mé:ngkinsu:ma:né émdag.

Nok ayangém mé:pa mé:pala lo:dém 

Du:ngko yékolo du:nggab yégab la:tokuma:ng 

Okum éra:ngé,ajon aru:mé

Lu:daggom méngkin tokuma:ng

Édémí:pila:yam ngom mé:ngkinsu:ma:né émdag.

Okum rínggongém mépa:ggela lo:dém

Gígola du:dag ané rago-ragolo

Amiké Okum lo:tta lo:ttalo

Édémí:pila:yam ngom mé:ngkinsu:ma:né émdag.