Dungko Among Léga:ngé 

                          Krishno Dole: 

                                       Majuli

 

Mé:tinsunam miganga 

Réngam lékopé onama 

Okolopé gídagné 

Mibu galug gége:la 

Murong okum kama:pé 

Okol po:rag tí:yéné 

Mising agom luma:pé 

Oko mimag moyéné 

Gígéboné miganga 

Opín jo:po:p ipéna 

Oko tarung ru:du:né 

Lamkud yoksa jongge:la 

Aík Dírbí kama:pé 

Réngam ako turyélang ?

Aík yélam kama:mílo 

Opín turla du:yélang ?

Lo:díp jonnam ajona 

Réngam ager gerjona 

Oko mirung ru:du:né 

Ajon lugé gége:la 

Dungko among légangé 

Mimag mirung ru:pénammém 

Kapésin pé:soyok no

Kébang ba:pénam mé:yok no

Lambédo daktupné kídídém 

Yakané takot-tamod kídídém 

Paru sa:la yatok 

Aík amig kinma:pé .