TURNAMSÉ GÍMÍNDUNG..

                     Tuniram Medak

Kombo:dok opongarné Pédo:do

Jupu Jumula judung 

Gíbídné longé Kídí:dok

Mongku aríg ni:tomko,

Yuppusuné yumédok mukkangé

Abungém me:bo mé:mín sudung,

Pédongém írsula bí

To:di gílamém gítídung.

Kou Péttangké Kabna:mém tadyemílo 

Ayang kídídé apir apirpé Sargo:dung, 

Me:nyoksunam ma:nying kídí:dé

Asi tépé tésa:dung,

Kombong a:yemíloi 

Ngok turmamsok ayiré,

Tíntíbírín Kapko yumémpé 

Yoktí bomdung, mé:dír aríglo yoga:né Polo:ko. Kombong Ke:dang appuné

Kangkané dumgagdo yunkídung 

Edésin Ka:yemílo lo:nyiongko. 

Ke:dang appun namkodo

Turnamsé gímíndung,

Mukka:dokké prdong, among, asi appí:pe Sekkaiké tatkinma:nam lulíkkampé.