Gong-golké Gobíng

               Tuladoi pa:yeng Taíd   

      

    Gípong gípongo:la Gombirbí gíkangai. Gombirké gíko gíkodok Gumséngbí:gom gípídankírampé gímínkangai. Gumséngbí Gombirmé gígabdanna gíkíru:pé gídungai. Gombirbí Gumsé:mé gíté:lo:pé goksula gíkípésinéi gíbokíma. Gombirké gíténg gíkolo gímínníngé Gumsé:bí. Goksuma:lokki Gumsé:bí Gombirmé gapsi gapsisula gíka:míndag.Gombirbí Go:pur lu:jarlo gíla gergo gerkolo gíla gergo gerdag. Gumséngbí gíténg gíkolok gerpénamém gerní:ma:lokki gígong gíténgo:la gíní:tídag. Gégo génamo:démsin gékinmínma. Gélu:démsin gésíngkinkuma. Gélu:dém gésíngkinmanggoméi gítérlok gígong gígongma:ya:mílo. Gonggolbí:dan Gumsé:mé ge:té:lok ge:mígdanna ge:daksinbo. Gombirké gíko gíkolo gímín-ga:lokki ge:mígla gengkosudag. Gerdílo gergoko germa. Gérusuge:la gígong gígongo:l gíní:dag. Gombirbí:goméi ge:mígla ge:daksinbo. Gíko gíkodoloi Gumsé:bí gengkosutídagbo. Gonggo:lké gébidnam gobíngégom gerpu geru:bima. Gésumbidag. Gombirbí gumrakkolo gonroko gélí:míndag. Gumsé:bí gonrodéméi Gombirmé gémolangkuma. Gégo gélod génamkosin gerkinmínma. Gumsé:bí Gombirképé gígabla gíto. Gígabmínmanga:mí:l gégo:émsin gébegma:ya. Gígabla gílatoném gégo génamém gére:ma:pé gébegdung. Gonin gonyappé géma. Gergo gerkinmang-ge:la géloddé:dan. Gombirkokki gélí:déméi gébegdung. Gombirképé gípa:sula golpotako géní:mí:lo gédung, gejerangko géní:mí:lo gédung. Gamkaruko géní:mílo gége:la gíníngkodo:péi gídung. Gombirbí:goméi  Gomséngké gíníngkodopéi gímodung. Gélungém goram gétitpésong. Gígongém gímodung.