LO:YID-NOLUM KUMDUNG

                Debanondo Pe:gu

É: agomdé arro

Nok luge:la gínamdé

Nok sigéla gínamdé

Nok adin-amirdé sidaggom

Nok a:pug asindé,a:ng pítadé

Nok mé:loddé,mége:la gínamdé

Ngoluk réngam ara:so turra dung,

Turra du:yé.

Nok lépo lésígdé

Léppíré piryaryé, agléngé lé:yaryé

Nok a:ng a:pugdém kamponé gasorpé

Ngolu yetsula du:yé

Émnai kapiyén ?

migang noluk kama: dokké

Nok gu:ni aríg ríkté:dé ríkté:péi dungkang,

Aríg rísudé rísupéi dungkang

No kama:la rígang gané katokuma

Amli: pidné katokuma

Otsurésin surtokuma,apí a:yé anupé e:tokuma

Noluk mége:la gínamdém dola

Akiyé pitala, migangém ga:tokuma

Mimagém motokuma.

Lo: yid-nolum kumdung

Tayéng amo:tokké

Domod-tí:motsula du:né réngamsém

Ngetkutsula du:ma:pé

Aíké okum jírjígém

Aríg rísudém

Yogír kuntako diyetsunané

Asinko gémotei

Amikko darmotei.