ARÍG

          Tuniram Medak

Okum gíkun do:nyidé 

Abu:do Si:bud Suyemíloi, 

Kekonké Ka:nam bogréngé:lo

Míngkuné ésingé miksi dídag. 

Longkuné adilok mei:pang me:la

Ngo lo:dísiméi kéra:pé madogom, 

Dorsula:man takarémpé

No migjemla du:dag 

Nok yagené pokído durbutsula 

Segri:pé asengko mala

Lo:dísim ngo 

Atér térné adíem mé:pa:dag. 

Nok dungko Kérang aninpé

Among-asi pédonglo jula,

Toku ta:to-ya:yo buluk 

Along asigém soíng yutag, 

A:né ru:yik do:lungé 

Lékomílo dungko Kama:la

Nok légangí:é tangarlo judag. 

Lékomílo yakan mukkangé 

Lomdí dírila gídaggom

Ya:rié do:mírto abín bíríndag.

Nok kéra:do pédong ni:tom surngagdo

Lamtélok Pítsun ko:kangé, 

O:kaiko Pa:yenéi émnamémpé

Nokkélo:pé kangaksula du:dag.