SÉMPÍN AYIRSO

 

SÉMPÍN AYIRSO 

                                Krishno Dole: 

                               Nolduwar, Majuli 

Noué mé:pol du:labong 

Ngodan nok légangé 

Kapkolo asin kidu:bong 

Sinam turnam rísonso ngo 

Yogmo kané apí-a:yémpé 

Ikang oinom aipé mé:namsé.

Aki: ara:bo píngangka:bo 

Umlenpésin Ngasodé ! 

Umlenma:togom mé:díré !

Arro ayang bimunsuge:la 

Sémpé kapé ikangkun ! 

Déuwoi ladí-gídí ayirso .

Bangko:la:ma:nam abu:dok ragodo 

Ménggo: ménggo:la ngo dung 

Nok dumsíkdém kabegyéji émna 

Sémpín ayirso ngo 

Sé: mo:píso nom bérbeg ma:la 

Ngo mé:dír mé:sola lé:supé 

Rongngamné appunok punlékkol .