BODOI

               Ga:m Pe:gu

Ajoné pogolo:pé gímílo

Bí ariglo:pé gídag

Ajoné potiném porila mo:písém kangkindung

Bí nésin-némíngém pinggo:la mo:písém kangkindung

Pédong ésaré, do:nyi gunamé bík ajoné

So:bo,menjeg,sobené bík ajoné

Bí akiyém ka:la kindag,kéno: tílíngém

Bí:sin ma:nyíngém ma:dag,

Do:mírtok tamuli takarém taudag

Lé:su lé:sula po:lomé luposudag

Bík mo:píso turnané lugé:dé okkon ?

Turnané bélamdé okolon ?

Bím oné ané abudé sé:kon ?

Rokomdok lí:san do:nyibí yumdéng ayirdo

Anéké aki:lo a:dungku

Ísíng angléng anglé:lo, aríg ariglo,pa:tang asilo dénggo:né

Pétta:péyyí:bí:si yumdéng ayirdo asub ma:la dé:dungku

Yumdéng a:mílo bí okolo:pé giyen ?

Ru:néké ru:mursula ru:namé bí

Sékkaiké aki:lo:pé gímursula gia:né

Pia:né mo:píso tomursula:sin  tosuma bík nérí: tu:yí:pé

Bíkké nérí: tu:yíng kama

Mibu a:bangé síkpí:la:ma

Émdaggom bí aro taniyé

A:ng asin kanné

Pékarpé Karla donné

Aíké alédo dagla tursuné