A:NÉ OBONORI:MÉ

                                     Raju Kumar Narah 

Billa dung bittíl dung 

Aila dung aití:dung

Donam dung dotídung 

Tí:nam dung tít:tídung

Aríge-ísíngé, tanié-taoré

Mirémé rémna dung.

Bidung ngolum appíngém 

A:né Obonori:bí…

Turnam lamtéko,

Bík ayangé du:yardung 

Réngam ara:lo

Kekon-kesakpé

Tolo-bolopé

Su:pak-

Kangkinéko dung 

Méngkinéko dung

Bík binam ayangém 

Réngam ara:lo 

Méngkinéko dung.

Kajé réngam daropto 

Rélég-rélékpé

Kangki-méngkin kídí:dém 

Moyud líkka:pé

A:né Obonori:mé

Ayang apí binémé

Turyar molapé.