UNJERYE

                           Hiteswar Kuli

Yirka:tak no 

Luka:tok no 

Mé:nyitok no 

Édé appídéi 

Ngokképé aído. 

Kapila émyémílo 

No yirkama:mílo 

No lukama:mílo 

No mé:nyíma:mílo 

Mo:nu aríglo 

Anu amliém pidlíglamang

No yirra yirtérsumílo

No lula lutér sumílo 

No mé:ter sumilo

Mo:nu mo:píso

Agom dírbí yélamlok 

Amli:ko pidlíkpé 

Odok ledupé ka:langka 

Gejig-geropé jarnamko 

Abu po:lo bísin ayayé 

Ané do:nyibísin ayayé 

Odílo pédongé oyé 

Do:nyi dílo do:nyiyé 

Odo ngok appídéi 

Nampo, kampola,unjeryé.