AYANG

Raju Kumar Narah

Ayangé ayapé du:yarye

Mé:pí lamap ayangé

Méngap kamap ayangé

Ané-abuké asin ayangé

Ané- abuké luyir ayangé

Du:yar tídung ngok asinso

Rongki-rongki:la méngatídung

Noluk ayangém mé:pa:la

Yubnan ayiré pía madung

Miksi díngap kama:dung

Sagí gíngap kama:dung

Noluk ayangé du:yardung

Mé:pí lama:pé, méngap kama:pé

Do:mír tayoto dudogom

Yumé takarpé karbilang

Dong amo:so du:dogom

Takom mari:ko ri:bilang

Nolum kumtatsuyemíl

Ayang ésarko sarbilang

Appíng mé:pol du:dopé

Ayang du:yar tí:dopé.