ASIN MÉ:TOM

Raj Tilak Medak

Asin arabok ayasém nom orpansuyé émna 

Méboko arorupé dungkang

Nokké binam ayadésin 

Supak yogmopé ikang 

Asinsé........ méngasumada

Yakan mukkangé yí:lubdung 

No kapila méngkinbitoman?

No gíyéku longéko 

Yubmang ma:nyibo

Lubisuyéku asin agomém

Yísarsuyéku asin do:mírsém yílupné mukkangé

Aropé..............

Édílosin méngaplama

Kapiné ayangki ayamílo

Yedgapla méladan ayasém ?

Kapiné ayalokké arré kadan?

Silo okkomsin kinsutokuma

Asinsém ta:paré buklupkan do:mír-yariyé armíloi 

Lo:tu yaripé gípakyékupé

Asin ménamsé arré arorupé katoma........