ÉDÉ AYIRDÉ

ÉDÉ AYIRDÉ

                       Krishno Dole:

                   Nolduwar, Majuli 

Obonori a:né ke:kondo

Pi:yang saporido 

pétu aríg ido ayirdo

Anné lékop gído:do

Nok ko:yém kosémna

Lo:dém yírra gído:do

Nom ka:la ka:líg sutagai .

Pi:yang sapori aríkpé

A:ném kongko: kongko:la 

Ngonyi Lékop ko:dugai

Mé:nam ngonyikké aríg rikso:ngai

Tukkut appin jongge:la

Alagdo así giltindém bomdo:do

Anné lékop gíge:la asin do:ying kí:tagai .

Ngonyik aríg ríso:ndo

Tongí: ukum motagai

Ngonyi: lékop dungge:la

Ayamg bi:mín sutagai

Nokké génam ege:dé

Pétu appun punda:gai

Ngoué ka:pop ka:tagai .

Oko así raggo:dén

Ngonyik dungkom banpakton

Oko ma:né rínjí:dén

Ngonyik dungkom ma:titton

Raggo ru:yit tetge:la

Pumpit yu:nam ka:dodo

Kérad du:bo suge:la

Turnam do:ying kí:tagai.