MITPANTOKU ÉDÉ BÉLAMDÉM

MITPANTOKU ÉDÉ BÉLAMDÉM

                               Horish Dole:

Mitpantoku édé bélamdém

Okolok ngo lo:dém

Nom ríksukolo gídungaji.

Amig pirnyisém migjémdogom

Sobomné pía:né béda:dé

Silo kémmo jíng jíngé.

Du:téngé nokké angukunamé

Yeténgé ngokké angukunamé

Mé:pola oríg-gíríksuné

Néi-nénganésin ngom kankintokuma.

Mé:tomé nokké méngukunamé

Légangé ngokké lungukunamé

Asin alamésin dugbosutokuma.

Kérango:do nom dagbosudaggomsin

Mo:téngé nokkolo:pé

Pongkogdo opín ilodé

Di:té kísapé du:ri:nammémpé.

Édé nok kéra:lo:pé 

Sobomné béda:dé

Silo ngom kangkintokuma.

Nok turténg turténgko

Ngok siténg siténgko

Ngonyik légangé

Édé mo:yo:né ésardé:sin sarbitokuma.

Ajoné kadung aku anué béjéko

Jondung sé:koi mé:polo

Médung sé:koi mé:dírdo

Bulusin ngonyik do:ying kíbitokuma.

Adí alab labrobla

Orpansubila nokké ngokké du:téngém

Ta:ng amíng partitto

Édé ngoyik kangkinnam béda:dém.

Asiné nokkém, asiné ngokkém

Kokpemsubiné édé béda:do 

Ngasod sí:lung partidla

Gínyoksuto no:la ngo

Gípumsukodém mala:sin pa:la:tokuma.

Mitpantoku édé béda:dém

Okolok lo:dém

Ngonyik ayang abu:dé biddungaji.