AJON
Joya Medak Doley
Mo:té: mo:té:la aropéi no
Mo:téngo:yangkang
Gíbídné longélok ayangém
Ma:nyi:pé no méngkang
Ajon
Mukpi: ara:loi no lambém
Gínyoksuton
Siyang asséi lambém
Bittitton
Ngo toya:la dung
Yumdí rodípé
Édíloidaggom ngok
Kéra:pé gía:bílangku
Asin yabgom sígge:l méyé
Yumdí rodípé nok légangé
Ajon
Silosin asin payéglo
Yégla métag nok ayangém
Édíloi sarge:yéji
Oddoi
Nok migmodém ka:bégdopé
Gíbídné longélok ayangém
Anu ni:tom ko:ri:pé ri:tag
Édílosin yogmomang
Nom mé:la du:namsém
Ajoném tadmopé
Tatponé kabanpé…
No comments:
Post a Comment