NGOMSIN LAGINAM GAYINÉ

NGOMSIN LAGINAM GAYINÉ

Horen Koptak

Ngomsin longéko

Asin odanna

Tébégné murkongki

Aya:danna rébomkaku

Ka:su ka:sul

Mé:po sakpol senaka

Selpi: moimang laddanna

Whatsapp status,facebooklo:sin mélíkka

Angkir biddodo

Asíg sermíggédopé gégongka

Longéko u:pakto

Yoppagnam gayinpé

Yamminém minníkto

Lure: luse:la koksipé badmoka

Lo:tungko koksi takodémsin tidnaka

Ka:yumné dumsígém

Otsur surné amírém

Atser atserpé sermoka

Longéko mo:té:pé yoppakka

Bérka:l ka:mapé

Umílo attungko romníkka

Émpige:la,

Lésud laksud sudodo,iyyé lendodo

Ngommíng makaku bí

Bidné i:dém yéngkomnaka

Émpige:la ngo gayiné

Lagima:yém yoppagnam koksé

Émdogom ngo:sin ngasodlok ajoné

Noluk yoppagnam gayiné