শোভা
প্ৰাঞ্জল শৰ্মা
ৰঙিয়া
উশাহ নে নিশাহবোৰ তোৰ
আলি কাটি জালি দিম
নে বৰ পীৰা পাৰি দিম
তই শুই থাক
শুই থাক তই
মই ৰ'দক মাতিবলৈ যাঁও
ৰ'দে পুৰিব মোক !
পোৰক
তইচোন এচাতি বতাহ হৈ বলি আছ
পোৰক দে বতাহে
পানীয়ে পোৰক
পানীবোৰ শিল
পানীবোৰ ধোঁৱা
পানীবোৰ মাটি
মই কথাবোৰ ক’ব পৰা নাই
তই বুজিব পাৰিছ ন ?
পানীবোৰ মাটি
মাটিবোৰ নাই
আলি ক'ত কাটিম
কি কাঠৰ পীৰা সাজিম
আলি কাটি জালি দিম
বৰ পীৰা পাৰি দিম
দে অ’ ৰ’দ
ৰ’দ দে
অ’ ৰ’দ
ৰ’দ দে
No comments:
Post a Comment