OPAN NARAYON

  Jiten Noro

No gitar-dok torí tomlamki

Tomyumdo nok ru:némé

Ngo mé:tom tomlamki

Toyumyé mé:bomsunam réngamém

Édé mé:tomdém tadla rígmié gíyé aríkpé

Mirré gíyé karkana:pé

Nok tomyumnam toríém tadngírsula du:né ru:nébulu

Namponé lakpuném gége:la 

Migjémna ri:yiddo pu:po jarpo agerém

Ngokké kíngabla:ma:nam opan ki:panné réngam ajoné

Ki:ponné nok ru:nébulu

Bulum opan Narayon émna gogyumdag

Bulum ka:sí:dung émna antua:, onno, banodém ordag

Édébulupag bulukké turgab-bígapsunané attaré émdag

Ma: !

Bulu Narayonma:

Dopa: tí:pa:mané opan taniyé bulu

Bulukké alag lagnyido dung bojéko ménggésula:nam ageré

Tabín kísapé gernam buluk ajji: ajji:né agerkokki

Pu:po-jarpodung ngoluk Bharot mimongé

Émge:la:sin nok Bharot tuptalo ru:mi ru:né ru:nébuluk alaglo

Bulukké among betiyésin bedamdung

Buluk léga:pé,

É:lo, bulukké légangé:pag ngo

Mé:tom tu:li:lo mé:tomém tíkumyé

Édé mé:tom kídí:dok í:rpé urrobboné 

Gomukkokki kinsula darobyé

Ngok mé:bomsunam réngamé !

Ngok mé:bomsunam réngamé !!