A:NGÉM MÉPAGYOKA
Lilambor Pait
Punoi Bhagowoti, Dhemaji
Turdaksog ma:níngé
Duksiman momanna du:dag
Mé:bonam attaré
Dorkí-dorkíla du:dag
Émdaggom gígéla gílai
Ajona a:ngém kinggí:sulai
Ngengkud suma:p gílai
Do:nyi-Po:lo takarésin dakkabdag
Ésar pédongésin yírka:dag
Émdaggom gígéla gílai
Ajona a:ngém kinggí:sulai
Ngengkud suma:p gílai.
Turdakso ainam-aimangko kadag
Turdakso mé:po-mé:dírko pa:dag
Ajona ainédém mé:lai
Ajona aimanédém mépaglai.
Turra du:namsé aíém momín sunamko
Tani:lokké asin mé:namsé mé:tíl du:néko
Ajona a:ngém édílosin mépagyoka
Ajona ainé agérém édílosin lé:pagyoka.
Tani:lokké asin mé:namé méngab kamang
Turdakso agérém gérab kamang
Émdaggom gértíla gílai
Ainé tarungko matíl gílai
Ngengkud suma:p gílai.
No comments:
Post a Comment