NGOLU MIMAG MOTÍYE

Gopal Payeng

Lakhimpur, boginadi

Gítíye, du:tíye, lentíye

Ngoluk mimag sé

Adíé toya:ma do:nyi yé toya:ma

Ngolu motíye mimang ajengém.

Do:mírtog takarém

Píryi lamanggom pírpé émna métíye

Ngoluk asin ménamsém pa:ma takamém

Ngolu mimag motíye.

Lenp:oné-gígépo:né

Ngolum luyir- gíyírtag

Kapiné lamtélok gímílo

Pa:yekun anu bélamko

Ngolu mimag motíye.

Réngam léga:pé lendung tani-é

Réngam léga:pé bidung iyém

sipénamém pésoma:pé

Ngolu mimag motíye

Bikanmílo biye

Ngoluk le:né iyém, réngam légapé

Ngolu pa-paye, Ngoluk pa-pénam  

Érné , dorné takardém;

Ngolu mimag motíye.

Ngolu misingé, ngolu Abotani ké ommangé

A:né ru:yidog du:né opeyé

Ngolu silo yupto kuma:bo

Amigé darka:bo, alagé larka:bo

Aima:né bélamdém moyinsunané

Lambé kakabong

Bornoi, obonori

Appíng tani-é silo

Larkangkubo turnané léga:pé

Ngolu mimag motíye.

Réngam léga:pé ainé bélamko

Lo:dípé matíye 

Loladné bélamko pa:ma takamém

Ngolu mimag motíye.