NA:NÉKÉ RÍ:BI GASÉNGDÉ

Jiten Narah

Yokyonné yummayír do:nyi ruwad kísapé

Aso aso:pé rídyi:la gídung

Aín murkong molusunam na:néké rí:bi gaséngdé.

Amikém mitumné lí:né tapumkídídé 

Lo:dípé rongki rongki:la gaséngdém ro:bomdung.

Gaséngdok tu:bído bígabla dung

Oné aín amongké namponé aríko,

Lo:bag-bagné opín akolok ngatung-ngabogné gompotko,

Dokké aré kama:pé kopakkosupéné

Opín a:ngko

Gaséngdé aya:l usa:nam makya:né ommang kídídok ikur-sipakki 

Aínémpé írga:né gaséngdé aso aso:pé ladde:gédung.

Okum rínggong ugjum pama:la

Gaséngdok onno allendung.

Dukakonbí Drupodiké gasorém pítkampé

Migom okumlo gasé:dém bukí-bupaktídung.

Ita:kémpé émé anka:lo anka:sula

Molusuma:nam muga gaséngé émna

Léngkansupa:dung.

Aipé mé:bomsunam

Airu:pé kangkanné

Aín murkong molusunam na:néké ri:bi gaséngdé

Rídyi:la gídung aso aso:pé !