দুটা স্তৱক
স্বপ্নালী কলিতা
এইখিনিতে কিছু ৰৈ হাঁহিটো খুলি
দিলোঁ মুঠিৰ পৰা
দেও দি দেও দি বন্দী হ'ল মায়াত
চকুলৈ এজাক জীয়ন পক্ষী
সোমাই আহিল
ৰ'দ চিলিমিলি এখিলা পাতত
মূৰ থৈ শুই থাকিল
এপাহ আধা খোলা ফুল
মুঠিটো খুলি থ'লোঁ
বাজি থাকিল
এজাক বতাহৰ জুনুকা।
সেইখিনিতে মুখত মুখ থৈ
লুৰুকি আছিল যুঁজৰ শেষৰ
কথাবোৰ
এমোনা সৰিয়হ
কেইবস্তামান আলু
দুবটলমান খাইতেলে
এখন গাড়ী কঢ়িয়াই আনিছিল
No comments:
Post a Comment