NO PESUBIDAGAI

Raj Tilak Medok

Akajan, Silapathar

No pesubidagai

Turdag takamso métinsunampé

Appíng ngasoddo

Kéralo du:biyé émna.......

Ngosin simaddagai

Nommong émla métinsudungai

Métinsumayénei kapé

Médír, ngasod appídoi

Nom kérapé padungai

Turgod bélamdok

Lékor kordakdosin

Nok alagdém sogapla kormíntungai

Ayang a:nédém bangkodakdosin

Ba:pímadapé no bayotkang

Ngo kinmangai

A:né pongkokdo ngom mépakyé émna

A:né assé ngom bityutto

No bérkudsula kangkakun?

No pesubidagai

Turdag takamso

Mépo,médír appíng ayirlo

Ngok kéralo du:biyé émla

Émpigela silo ngo 

Ngasod a:né araso atéré dupakkang.