RU:NÉNOK AYANGKI 

Krishno Dole:

Nolduwar, Majuli

Yumé yérado yupko ma:nyibo

Lo:dém gíyado ngo ru:nénok létík kéyigdo

Ru:né nom pa:nam légangé

Aín Appun tíligla lo:dém kumdo

Ngo ru:nénom ka:begnam légangé

Ru:nénom arro asinki: kumdo

Ru:néno ngom arro ayangko bin .

Silo aiman agerko gerto:gom

Ru:né nok aín alag so:nyidokki:

Ru:né no ngom toríg sute:

Ngom aiman uyu daktidla

Ru:né nom ngo kangkin ma:pé ila dungai

Silo ru:né nok ayang abu:do ursu:la

Ru:né nom kangkin sutoku: .

Ngok amírsok du:né aimané uyu: kídídém

Ru:né no ngom érpu:te:

Ngo aimané lamtélo lékorém kormur sula

Ngokké ngasodé píngka:bong

Édé aimané lamtédokké

Ru:né no ngom gílen bote:kui

Ru:adné lamtéko léngkan bote:kui .

Ngok aimané asin géné asinsém

Ru:né no ngom la:pakte:

Ngom lo:dém mé:pola du:mote:

Ngo oko imur gímur gítoji

Édé imur gímur kídídém

Ru:né no ngom mé:yin sute:

Nokké ayang abu:do ngom irpu: líkte: .