MÉ:PUM

Karsang

1.

Asinsok appíng ayangém rodbomna bomdakku lédudo:sin

Bík légangíng ngokké ílíng angké:so punsa:dag 

Kíla kíngabla:ma:pé namponé jo:jogé.

Atom bo:mé ukpagnam Hiroshimabo

Punsangkuné seri appun kísapé

2.

Sé lu:jarso ngo 

Yummém yubla:mang.

Bík mirém i:ki:dok ranamdé 

Darbola du:dag 

Ngok turné ma:nyingém

Mé:dír mé:pangém..

3.

Bík dungkoé

Bottané gomugé serpednam do:míré.

Do:ni ruadé ka:pí:ma:nam kémolo

Ngok dungkoé.

4.

Bík lutér agomém tatto.

Dokké okkelíkto.

Émpige:la bí turra dung

Ngompéya:sin mé:poya:la.

5.

Bí poludokké létapé ika:néi

Laluki:dokké tatíkpé ?

Metamorphosis lurungém ngo kinmang.

Ngok gené asinsok 

Bí lo:dípé sí:dugné po:píré.

Doksiri দকচিৰি, জানুৱাৰী, ২০২৩