ROTPAK

Somesor Médog

Anying kadungai

Ngolu ammem 

Kangkurkosuma:ngai 

Anying kadoai .

Ami lotta lottalo

Kapikan ataya su

Kogola yedun 

Atí:kosin kamanémpé ?

Amig gégela:sin

Ngolu migludung

Aín amolo dunggela:sin

Kama kama émdung. 

Ngoluk kama kama 

Émko  amongí:do

Amme Aín pa:dung

Miremdung.

Oying oge kodung

Ajjin ager gergela

Ka:depé  mirembomdung

Ka:dang ka:man ajona  ?

Ajji-botta émna

Ager mala yedodém

Aíké among

Amme rotpagdung.

Inkasuto ajona

Darapto

Ami kéíglo du:yo

Gerpénamém gerbomto.

Doksiri দকচিৰি, জানুৱাৰী, ২০২৩