কোন সেই নাৰী
দেৱজিৎ কোঁৱৰ
শিৱসাগৰ
কোলাত এখনি নিৰ্মল হিয়া,
সেই যে চিকুণ আঙুলি বোলোৱা।
মৰমৰ তেজাল আকুলতা
কত যে অক্ষয় সৃষ্টিৰ সঁফুৰা।
কোন সেই নাৰী ?
মইনো দিওঁ কি ?
মই পাওঁ আইৰ সেই স্নেহসনা মুখখনি।
ফুঁ মাৰিখেদোৱা অসঞ্জাত ৰাতি
উশাহত উজনি-ভাটি,
মনৰ মাজত নিবিষ্ট লক্ষ্য বান্ধি
চেতনাৰ সুবিন্যস্ত এমোকোৰা হাঁহি।
কোন সেই নাৰী ?
মইনো দিওঁ কি ?
মই পাওঁ বিচাৰি
প্ৰাণত এসোঁতা প্ৰাণৰ পানী।
যতনাই লোৱা,
তোমাৰেই স্নেহত
স্নেহেভৰা কলিজাৰ ৰক্তৰঙা
চিৰ প্ৰবাহিত অতুল ছায়া।।
Doksiri দকচিৰি, ফেব্ৰুৱাৰী, ২০২৩
No comments:
Post a Comment