তিনিটা স্তৱক
লাৱণ্য নাথ
[১]
ঠেৰু ছিগা বতাহৰ আত্যন্তিক সান্নিধ্যত
মেঘাবৃত এটা নিমাওমাও দুপৰীয়াত
দৰিকনা মাছৰ নিভৃতপ্ৰণয়।
[২]
প্ৰাসংগিক সময়ত আত্ম-নিবেদন;
বিনম্রতাৰে-
কাঁচিয়লি মুহূৰ্তৰ দৰে প্ৰতিপল হওক
দুবিৰ্ষহ আৱেগ আঁতৰি
ফুলৰ নিষ্পাপ সুগন্ধিৰে মিঠা হওক
জীৱন আৰু বাস্তৱ।
[৩]
একাদশী পছোৱাত আৰু জন্ম নহওক
হাজাৰ জনতাৰ ঠৰঙা ক্ৰন্দন।
সমাজ সম্প্ৰীতিৰে থাকক
কুশলে থাকক সভ্যতা আৰু সংস্কাৰ।
Doksiri দকচিৰি, মাৰ্চ, ২০২৩
No comments:
Post a Comment