মিলনৰ নগৰ শান্তিনগৰ
সুৰজিৎ ভূঞা
বৰপেটা
সম্প্ৰীতিৰ এনাজৰীৰ
বান্ধোনৰ শিকলিত
ঐক্যতাৰ আজি নিদৰ্শন
এক অভূতপূৰ্ব ।
মিলিত আজি সকলো অঞ্চলজুৰি
মিলনৰ নগৰ,ঐক্যতাৰ নগৰ শান্তিনগৰত ।
হৰিনামৰ তালে তালে
চৌদিশে ৰজনজনাই
বাজে মৃদঙ্গ-খোল ।
হৰিনামৰ প্ৰতিধ্বনিৰে মুখৰিত
অঞ্চলজুৰিত আজি
ঐক্যতা,সম্প্ৰীতিৰে গঢ়ে
নৱ নৱ প্ৰভাতে ।
চৌদিশে মুখৰিত হৈ
বাজি উঠে হৰি নামৰ ধ্বনি
পৰিণত হয় যেন বৈকুণ্ঠপুৰী ।
হে মোৰ মাতৃভূমি অঞ্চল শান্তিনগৰ
ৰূপালী জয়ন্তীয়ে গৰকা পালনামে
অনাদিকালত হওঁক
ঐক্যতাৰ এনাজৰী
বাৰ্তাবাহক হওঁক শান্তিৰে পৰিপূৰ্ণ ।
Doksiri দকচিৰি, মাৰ্চ, ২০২৩
No comments:
Post a Comment