Nébíngké Lupénam

 Nébíngké Lupénam সম্পাদকীয়……

ANKANG পৰীক্ষা

   Poné ko:kangé ankang émyemílo ajjoukodaggom asin dídíkokodag. Kapilané anka:dé édílosin ngoluk lédulokké yogmang. Léko manggom léko ngolu tani: kisapé aíwém anka:la ka:supé idorung. Pola du:né ko:konéng arango:lo anka:ngém anka:la ka:mang. Tani takaméi turra du:doso lékoném anka:sula ka:pénampé idag. Aíwém anka:sula ka:mílopag turra du:nané a:ng-dém anbeksudag. Émpigela Anka:dé okkon ? Pogo:lok inam tarungo:dé ankangénéi ngoluk turyi:so lékor korrop korrobdo po:pékémyang ajjouko ayyango:pé, kinyango:pé émna inam tarungkídídémain ankang émdonéi.

    Ankang. Lukapé gímílo anka:dé gompir akkongko émpigela arédé bojerungko. Ba:lam kin-go:lok lugotki lumílo kinnam, ilanam, gerranam-dém anka:la ka:namdém ankang émnado. Lukanpé pogo-lo ko:koné:dé éddíko aidopé adnam manggom ponam agerdém ai kangkanpé gerkannaton. 

   Tani akolok kinnamdém manggom ainam-aima:dém anka:la ka:nam légangé lutég ako bigela odo arangído bíkké kinnam- kinmanamdém anka:la ka:lennado. Édé agerdém aipé kanggabnékosin lagidag. Édé kanggabnédokkipag ngolu kinna:do sé:ko éddíko aikampo:pé agerdém gerrato:ji, ilatoji, kinna:toji atí atí.

  Ngo tayotébo lula gítung pogo:lo inam tarungo:dém ankangé émmang. Dakor korrop korroblo ngolu anka:la ka:supénampé idag. Nok o:kai ika:la ka:namdé manggo o:kai gerka:la ka:nam appídéi anka:ngé lukanpé no ga:ri dukkinmang, ga:riko dukkaisuto édé nokképé ankangé. No English agomko lukinmang, agomdém lukaisuto édé nokképé ankangé. No ni:tom tomkinmang, ni:tomko tomkaisuto édé nokképé ankangé. Édé appí:déméi ngolu ankang émna ludo.

   Andéngo:pé lumílo turnamséi ankangé. Ngolu aíwém lo:díséméi anka:sula du:típénampé idag. Nokké kinam ramnamko ang-gomain Doctor-lo aíké ékérdém anka:supénampé idag. Anka:dé tani:ém aila kínggímodo.

Tapan Lal