শেষ নোহোৱা কথাবোৰ...
গাৰ্গী ভূঞা
যোৰহাটযিবোৰ কথা শেষ নহ'ল
দিনটোৰ শেষত
ৰতিটোৰ শেষত
পষেকৰ শেষত
মাহৰ শেষত
বছৰৰ শেষত
জীৱনটোৰ শেষতো শেষ নোহোৱা কথাবোৰ বোলে অতৃপ্ত
যি লুকাই থাকে বন্ধ ঘৰত
উলমি থাকে বৰগছৰ ডালত
পুত খাই থাকে বৰপুখুৰীৰ মাজত
ভয়ত পশুপতিনাথৰ শৰণাপন্ন হোৱা আমিবোৰহে
মানুহ যোনী
পিছে মৃত্যুৰ পাছত জীৱন পোৱা কথাবোৰো
ফিনিক্স পক্ষীৰ ছাইৰ দৰে
সঁচা!
মিছা!
প্ৰবাদ!
যি কি নহওক
তৃপ্ত হওক বা নহওক
কথাবোৰ, এই জনমতে শেষ হোৱা ভাল
Doksiri দকচিৰি, মে, ২০২৩
No comments:
Post a Comment