OINI:TOM AKOLOK DUNGKO MAGO:LA

 

OINI:TOM AKOLOK DUNGKO MAGO:LA

Danny Gam

"Nommé ngoué la:manggom 

Nouar ngokkép gímanggom

Ríksuyékumíl édílai ngom

Aidun émna taula:bong" - oini:tom

Ígí:do dumér sékkapsudí adído

Asi írsukapé gídodo

Ésardo yunggo:l dungai oini:tom abangko.

Torídé ri:la dungkang ngok yéru:so.

Silo longé bojéko lédulo 

Édé oini:tomdém mago:dungku.

Gíla: gíla ísíngko:lo du:né séngkoli:mé tauto-

Ni:tom mé:poné, pétu aríg mé:boné 

Édé atér térné ko:nédém

No kangkindonéi ?

Okol du:dang bí okol du:dang ?

Kindag ! Kindag !!

Sélab kané karé okumdokké bí gíyí:dag.

Élé a:nolo lo:dípé asi írsudag.

Asi írsudom ongo kídídé taudag-

Éi ! no sé:kom mé:bola éddíko anyi:dun ?

Ngo ollu: dula: dula

Ni:tom tomna: tomna

Kekon pígodopé pí:do.

Doksiri দকচিৰি, এপ্ৰিল, ২০২৩