OKUM
Tapan Lal
Aso: aso:pé billa du:né asi:dé
Léko a:néko billendag
Ayang aglíng mé:yinsunédé
Tani: ayang asiném pa:ladag.
Ngok angkéng ara:bo
No:dan ngunyoka ayang arungko
Dursi: duksila sé:komé sé:konu du:pítsuladang
No aro:mílo a:né biyyarkampé
Biyyartí:l du:ye nok ayangé.
Lupénammé okko:sin kama:bong
Ngo Nok légangé
Édílaibo mola métung
Omsetsupé émna nom
Ayang pési:ki
Ngon-nyik asiném.
Supak no
Pinka: pinka:la ka:yok
Ngok adínso
Nokkésin dung ayang i:é.
Émmumé émna no kapila mé:dang
Nom ngo aipé mé:mang émna sé:ko ludang.
Ngok ayang okum yabru:so
Supaksin dénga:tí:l du:dag
Nokké mé:bo mo:pí péttangé
Ngokké mé:bo ayang okumso.
Doksiri দকচিৰি, এপ্ৰিল, ২০২৩
No comments:
Post a Comment