ONGO APIRKO
Anuj Yein
Nok galug kama:né adín amírdém
Naré:né asído kabekdag,
Naré:man asído kabekma:lai
Yemanna ajon- jondungan...?
Yemandé banyiko dung--
Donam léga:pé
Así do duryi: dursa:la matgo dungai,,,,,,
Akondé sémpé --
Ígémpé pédongko oiya:mílo
Adi:tok jili asído
Lugum, karmi- ngertakbí
Ongo ngoliko ojerya:pé,
Arropéi, Ngom bugabla
Domílo dolang,
Ngok amidsé darra sipé,
Pirta pirmené ongo
Opínsém mokeyok
Ru:tu:ma....
Sidé mo:di:so
Ngo ma:mílo
Éng-ngérap apin agomko donné kamang,
Ngom kangkinmang
Sé:ko:sin néngéi millongén?
Oiya émna gogmíloi
Ngo anpodag,
Ngo agamdag
Ansíngé belabé
Appíngéi ngom
Moyumna su:su émna
Dosubla aipé mé:dag,
Así ara:bo sagyi sagsa:la
Aipé ngasodla dung,
Tani:akilo dolíg míloi
Tani: akiloi sipag yépé ngo,
Naré:man asílo
Ngom kabeg ma:ye
Bortan aram aborlo toledla
Pin-go, pin-gola
No bugab kílang
Turné ongo apirko ngo.....
Doksiri দকচিৰি, এপ্ৰিল, ২০২৩
No comments:
Post a Comment