TURGO
Tuladoi Pa:yeng Taid
Ayangém madag mé:bo asiné
Bélamém lamdag gergo agerki
No kindolang, turgosé sek légangé
No taddolang ayangé sek légangé
No kapila kinge:la:sin kinmango:némpé
Ajonbí kama:mí:l turdírdag turténgé
Ayangé tani:ém turyar modo mo:pí:so
Mé:po méngané tani: asin a:nglo
Bédangko bidag a:ng í:rné asiném
No:gom ídílai méngkíla kangkílang
Arodé lo:dém arorungkopé sígdakku
Tani:ém luyo no turgoso sékké légangé émnamdém
No silo kumdangém kumdung gírgíraila
No silo mé:po podung taléng among kinsuma:pé
Gílenko lambédé:lang gíangkodé takamké lékkodag
Nolang ngo po:sum amo:pé gípa:dakku mékutsula
Nokkélang ngokké émsunam takamdém soggí: du:pagdag
Émdaggom kinsuma nolang ngo
Pítané a:ng apíki béttésu:l turgosé
Turgosé soggo:logéi turletpé appíngké aya:lok
Doksiri দকচিৰি, এপ্ৰিল, ২০২৩
No comments:
Post a Comment