MÉ:PADAKKU

Gonesh Koman

Bahbari Medak

Asinang onamé édé longé dém

Mo:té:pé du:laisong

Kikep kireb danna kiyadung

Asingang ara:bé....

Mé:la méngab lama:pé

Mé:padakku édé ayir kídídém.

Owé-ba:bu, bíro-bírmé, ya:yo-ta:to odokké Ope kumdang, ajon arum...

Yirmanna du:nam kídídém.

No kila kabdaggom gíkala ka:latokumang.

Asinang onamé...

Édílai ayangki ge:mín sunamém,

Silo-yampo ayiré a:dído...

Po:péké yalo olum 

Mo:tépé du:né taniyé

Kinsudak asinang onamdé

Tatpa:dung gomugdém

Asinang onamé...

Ya:yo ta:toké do:ying kídídém.

Doksiri দকচিৰি, মে, ২০২৩