OPÍN TURNAPÉ

Bipin Taye

Mo:píso turdo takamsoi

Lagidag aíké agom gomlabko

Lagidag aíké agomlok

Adla lé:nam mé:tom do:déngko.

Silo lagidag ngoluk réngamsém 

Sí:sané ko: ko:néngém

Aíké ané agomsém kinmonam

Léga:pé poko okumko..

Ngolu ro: yumépé okum rí:sí:do

Simatnémpé jé:lango du:mílo

Du:yarma:yé aíké opíné.

Lo:dípé apong tíngursuge:la

Lamté lamtélo jénggo:la Dagmílo

Turyarma:yé ngoluk réngamé.

Émpila..appíngé édílosin 

Mitpansumapé lurobbompa:yé

Ané agomsém 

Amiké opíném samtitkosuma:pé

Amiké lépo kéíklo

Ngakí ngakíla du:mapé

Aíké aléki awé dagrobsupa:yé

Pa:pénam léga:pé mimagém mopa:yé

Opín turnapé aíké agomsém

Lo:dípé jarsa:mopayé..

Doksiri দকচিৰি, মে, ২০২৩