ASINANG ODUNG

Sumidhar Padi

Gogamukh

Taburam taida:nom asinang odung;

Boga médok nomsin mé:pa:tíla du:ng,

Nores tai:da:nom mé:nyokmoma:rung,

Onjona pe:gu: nokké ni:tomém modung.

Pé:yi: pé:tta:ngé Ku:la jénggo:ng Kang; noluk si:dag aín longédo.

Olo:ma:ng tolo:ma:ng duggongapkang takam misingé édé ayirdo!!   

Buklenypé agom mingang  nok agomé do:lu do:lulo;

Ni:tom kabanpé kapyepé lotta lottalo,

Kapin anédé otoné Boga Médoknom !

Kapin ní:sekki ní:sa:ton nores taid nom!!

Kapin jarrotki jarsa:ton onjona pegu nom;

Kala du:mílo luríksupo:téi,

Kapin  luyirki lukaikon éddík mé:jo:dopé!

Sigel gíbíkang mégé:la appíngémei!!

Taburam taidanom asinang odung........

Boga médoknomsin mé:pa:ti'la du:ng......

Yumgaksuné misingém noluíng urropto;

Migang ga:na:m, aglíng Sa:na:mém noluíng sa:yi:rto.

Mimé kébangém kinsumoto aíké turrodém;

írné agomém luyirto noluíng porin kébangém.

Noluk gertu:ng agérém gerbomyerung

Kinman takamém luyiryerung;

Nolum lo:tu:pé robnédém   mé:yi:nsuma:yerung ;

Gídíng yoksém ngolu toa:rla lé:tung!!

                                                    

Doksiri দকচিৰি, জুন, ২০২৩