AYIR
Tuniram Medak
Ma:misuné do:nyi loyingé kindag
Sékkaiké déktumla:ma:nam lamtédo,
Kétogém boruksuné lépodém
Déglíkkodoi ayiré gímíndag.
Simadné ésaré sigge:dag
Kinsuma:pé ngok asin yabgom
Bí:gom mé:bomnam agomkídí:dém
Ayir ka:la lupéru:nam agomdém.
Do:nyi mitkíram ayirdo
Yalíngé po:lumnam du:té:sé,
Mé:po asiném rémmoomanggom
Ayiré ni:tomki boríksula do:mírto
Dé:dakku yumé du:tétkolo:pé péttangé
Yummi:ma:né aaubdém ménla,
Kérang-kétag okumdok ta:toké
Yummi:moma:né mé:dír kídí:dé
Mamo:sumodag ro:ayir ma:nyi:dé.
Turdakso mé:po-mé:dír tarongém
Takamlo:pé orbidag ayiré,
Duggo:dag sekkaiké migbérlo
Muksubémpin takar ruadé,
Édé duksub-duglubné ayirdok
Moimang ajig jikkodo
Appíngké turnamséi lékoném jiktérye.
Doksiri দকচিৰি, জুন, ২০২৩
No comments:
Post a Comment