MISINGA NO KINSUDÍKA:BO

Horish Dole:

Misinga no kinsudíka:bo

Írroi émna jé:robdíka:bo

Siya:né opíném turmonam léga:pé

Lékopé lékorém korrígdíka:bo.

Abutani:ké ommangé no

Ami kéíglo du:pénémang

Do:nyi-po:loké ru:namé no

Péso pésola turpénémang.

Yubmotsula no dungkolo

Nokké du:téngém amme rodbomdung

Amikém no mé:bokolo

Nokké agom-dírbíé yogbomdung.

Misinga no kinsudíka:bo

Írroi émna jé:robdíka:bo

Siya:né opíném turmonam légangé

Lékopé lékorém korrígdíka:bo.

Kamam agom-dírbíé

Kama:yé nokké kangkiné

Du:téngé nokké kama:mílo

Mé:loyé nom amiyé.

Abutani:ké ommangé no

Ami kéíglo du:pénémang

Do:nyi-po:loké ommangé no

Péso pésola turpénémang.

Tí:mod-domotsula dungkolo no

Ami ígyumé nom daktiddung

Amikém no ibo - lubokolo

Adí kéréngé nom ré:tiddung.

Misinga no kinsudíka:bo

Írroi émna jé:robdíka:bo…

Doksiri দকচিৰি, জুন, ২০২৩