APPUN 

 Digen Taid

Gejig gero:né  mo:píso

Do:nyi ruwatki píang-koso

Okumé kumríké lottado

Sé:kom punkan sudungan.

Bo:bi:-lo:li:né ésar sarkodo

Kapila biré birkurra

Ngokké asin singagdop 

Nouwé ang-se sedungan.

Dígín díyu a:dodo

Kartang po:lo loaddo

Aipé migyab ogyabla

Okkom lupé mé:dungan.

Deng-kam de:pum ara:log

Mé: bola lenam appuné

Asin régí-réngam ara:sok 

Nouwíng otsur anné.

Kombong jo:jog appunmang

Nampon ke:dang appuné

Lo:nyok punné appunpé

Okolo punnyok suka:né.