LOMNA GÍTO

                 Dipkesh Kaman

                                Gohpur

Gompíré aipé bé:dung 

Ségriné adi mo:lég arado 

Lomna gíto barko:la sogampongkai.

Lomna gíto ainé lékor kortitsula 

Agérko gérpongkai agampé 

Turlod-daglotko mosísudanna.

Amiké rémsa:dung dírbí dírlabé 

Rémsa:dung anu lékoré 

Kaiyé lomna gíla ngolusin 

Aíké agom léga:pé migomém 

Lékopé jé:pongkai 

Anu anu lékorém rémsa:mopolai.

Lomna gíto, lédímokutsun réngama 

Élé a:nélé rago ko:titsumabong 

Ísíng, okumém bidyud-ko:yud du:ng

Lomna kinsula mosisulai

Ékémam moyuttí:la du:péké 

Ngasod bojéla.