KANGKANÉ NGOK AMOSSÉ

Someswor Medak

Sé amosém aipé mé:dag 

Amdang lepéko among

Sé amosé nampo nangan

Lepé moyubnam among.

Sé do:lusé kangkané

Résanam okum kangkané

Koktogé anpoé

Kogdangé ka:poé .

Ésar bi:bípé

Tunggél tetpo 

Yumém karélo yuppo

Ya:yok do:ying tatpo.

Pisolo tetpo, kétpo

Amír kinam yogdo

Méramlo merel 

Pamnam namsing dopo.

A:né ru:yulo dagnam anpo

Ansingé yepo yengané 

A:ném kapésin mélama

Asinang anamé. 

Ngok bírmé bírang 

Asin ansingé 

Ayang kané ajoné 

Minom bojongé.