OI NI:TOM

Krishno Dole:

Majuli

Jo:jog Appun pundo:do

Oinok ru:gu: modo:do

Mé:pa:dakkung yubdo:do

Asin do:ying kí:namdém.

Assé:m piné potikang

Bangkom dola kotíkang

Oi nok agom lunamdém

Déuoi sinsé mé:tíkang.

Amdang a:mdé le:namé

Gu:ni: a:mdé pidna:mé

Gí:pum sukol yirna:mé

Gí:pan sukol kabna:mé.

Porog kogdí ayirdo

Ansí:n ésar sardu:né

Kinsu:langkul ka:tomsém

Oi nok yallom ka:begdung.

Ajji daggom okumko

Tongi: okum mobi:pé 

Gí:mun la:mín suge:la

Mé:pol oi nom du:bopé.

Minna du:né mí:rsítém

Ti:yénémpé mé:tagai

Nokké agom tadlamín 

Ngokkép gí:yénémpé mé:tagai .

Sém julai po:lodog léga:pé méliktag