আমি ঘৃণিত কিয় ?
গৌতম মালাকাৰ
কৰিমগঞ্জ
আমিও মানুহ,
আমাৰো আছে তগবগীয়া
স্বাভিমানী সত্তা! য’ত আছে
কৃষক-শিল্পী-সাহিত্যিক-সৈনিকৰ দৰেই
ঘাম নিগৰোৱা নিৰ্ভেজাল নিষ্ঠা-
ৰথৰ চকৰিত গতি দিবলৈ...
আমাৰ পূজাৰ কৰ্মক
দিনজোৰা যন্ত্ৰণাৰ ধৰ্মক
তোমাৰ লালসাই
অবাইচ গালি লৈ ৰূপান্তৰ কৰা
তুচ্ছ-তাচ্ছিল্যৰ বাবেই
পোনাহঁতৰো চুচুক-চামাক-
সহপাঠীৰ জন্মদিনৰ ভোজমেলত!
দুৰ্নীতি-দুষ্কৃতি কৰাৰ শিকনি
মা-দেউতাই নিদিলে,
দেশপ্ৰেমৰ দালালিৰে বিভেদ সিঁচিবলৈ
ধৰ্মৰ বেপাৰেৰে সন্ত্ৰাসবাদী হ’বলৈ
প্ৰশিক্ষণো নিদিলে,
চোৰ-ঠগ-প্ৰৱঞ্চকক
আমিও ঘৃণা কৰোঁ, সেই একেই ঘৃণিত
ড্ৰাইভাৰ-হেণ্ডিমেন-জামাদাৰ...
শ্ৰমিকৰ জীৱন
আমি নিৰৱে যাপন কৰোঁ!!
Doksiri দকচিৰি, আগষ্ট, ২০২৩
No comments:
Post a Comment