MÉ:DÍR GA:NÉ

Horish Dole:

     Mé:rob mé:ropko mé:sa: sa:yém Do:punbí aídé méngasuma:pé mé:yarpé mé:la du:dag, "Sé du:té:sé ngom  oko du:tédé:ma:pé. Ngom okodé sémmarpé imangai. Lo:dém lo:dípé sagí gíla kappa:mangai. Sé kapiné mo:píkon? Ngo kapila asin mé:bonamdok akosin ila:toman? Ru:nébí ngom sémmarpéi ru:ton?" 

     Yo: kídusudodo atéro:ngé mé:dír béjéla yubngaksula:ma:la  Do:punbí simílo aiyépébo émna mé:la asino:dokki aídé sika:la ka:to. Sidu:bo émna méngge:la lomdanna siro:do kapé iyén odokké simílo okoko pa:yén émna mé:mi:nammé mé:líksunam édémpinné ainé légangko okokosin pa:toma. Édémpila bí langgusunam pogadém mo:ténggampé érpakto. Léddu:do bí mé:sudungku, élé poga érpakpokamélémpé ngok turdaksok ngasod appí:dém érpaksupoya:m ngo édílosin mé:dír mé:la du:ma:yai. Opané pannamé ami tani:dém médantoka aí-adin taniésin aípé mé:sulí:ma. Ajjoudodokkébo sigom sipé émna mé:bosunambí ami mirém ka:bola mége:la gípakkang. Mé:tomna gersa:nam takam ageré gerpídma:péi du:pakkang. Ajon-arumésin silo amipé ipakkang. Turra du:nané lugéng appí:dé silo yogamkang. Okoko lugé:la silo turyén? Sék légangé turyén? Édémpiné do:ying appí:dé silo Do:punmé sinam mo:pípé soyudbomkupé émna idung. Lusí:né sé:kosin kama. Mé:dír ga:né pongkogdo olomang tolomang ikodo bí kémoné bélamém ka:pangkodo oko mo:pídém mala kabdung . Atér atérpé rongngam pésampé.

Doksiri দকচিৰি, আগষ্ট, ২০২৩