গান ভাল পোৱা মানুহৰ ছবি
প্ৰণামী হাজৰিকা শইকীয়া
গোলাঘাট
অনেক ছবি গান ভালপোৱা মানুহৰ
গান এটাত ডুবি কিমান জনে বা আগুৱাই গৈ থাকিব পাৰে
অথচ গান ভাল পাবলৈ মানুহজন ধনী বা দুখীয়া হ'ব নালাগে
হ'ব লাগে তেওঁ মনৰ চহকী।
বতাহজাকৰ সৈতে এইমাত্ৰ গান এটাই আগুৱাই যোৱা দেখিলো।
কৰবাত হয়তো শাৰদীয় সপোন ভাহিছে
চাইকেলৰ পেদেল পকাই গান ভালপোৱা মানুহজন গৈ আছে
জীৱনক ভালপাব জনা এজন সৰল মানুহ ।
হ'ব পাৰে তেওঁ খেতিয়ক অথবা মজদুৰ
গানৰ ৰাগীৰে
সকলোতকৈ ধুনীয়া ছবিখন তেওঁ মনেৰে দেখে।
কেতিয়াবা উছাহতে গায়ো দিয়ে
"ৰমেন নাথ এজন সুখী লোক।সুখী লোক।"
Doksiri দকচিৰি, অক্টোবৰ, ২০২৩
No comments:
Post a Comment