ANE AGOMÉ NGOK KANGKINRU:NGÉ
Tuniram Médog
One anéké nappa:lo:pé
Ka:la Ka:la lutí purukpé
Agomém lusa:postag,
Ané agormé ngok kangkinru:ngé
Oné anéké nyuglangki
Ngatur Sutag ngo,
Agom mullang bínyi:ki
Ni:yumla bísa:tag ngom
Ané agomé ngok Kangkinru:ngé.
Ainéko iyemílo mé:pola
Agom mullangki luyumtag,
Aima:néko iyemílogom
Ané agomí:ki ge:yirtag,
Tatpo tadané tadno noma
Lupo luané luno noma,
Déryanéko pa:yelang sémyang
Ané agomé ngok kangkinru:nge.
Mé:dírko a:yegom kabnado
Mé:poko a:yegom yirnado,
Ané agomki mé:na-kabna:ma:mílo
Mé:tíng kaptíng suma
Ané agomé ngok kangkinru:ngé.
Doksiri দকচিৰি, অক্টোবৰ, ২০২৩
No comments:
Post a Comment