কঁহুৱা কোমল হৃদয়
ৰুম্পী দাস
হোজাই
মোৰ এই কঁহুৱা কোমল হৃদয়ত
তোমাৰ বসবাস,
মই তোমাৰ প্ৰেমত ব্যাকুল।
মোৰ বুকুৱেদি মৌ হৈ ফুৰিছা,
হৃদয়ৰ কথাবোৰ
কিয় বাৰু নোকোৱাকৈ আছা ...?
লাজ নকৰিবা ...
মইও লাজুকী ছোৱালী।
তোমাৰ মাজতেই শান্তিৰ ঠাই
দুচকুত দেখা পাওঁ,
তোমাক হেৰাই নোপোৱাৰ বেদনাত
কান্দিব নিবিচাৰো।
কেৱল দুখ-সুখৰ মাজতো
একেলগে হাঁহিম বুলি,
আলফুলীয়া মৰমে
হেঁচা মাৰি ধৰে ।
মোৰ এই কোমল হৃদয়ৰ ভাষা
তুমি জানো বুজিবা ?
বুজিলে মোৰ কঁহুৱা কোমল হৃদয়ে
তোমাকো তাতকৈ বেছি বুজিব ;
বহুতো ভালপোৱাৰে ...
আঁকোৱালি ল'ব।
Doksiri দকচিৰি, ডিচেম্বৰ, ২০২৩
No comments:
Post a Comment